9 октябри соли 2026 дар шаҳри Душанбе бо ташаббуси муштараки Созмони Милали Муттаҳид, Ҳукумати Ҷумҳурии Тоҷикистон, Дафтари ҳамкории Швейтсария дар Тоҷикистон ва САҲА Форуми миллӣ бахшида ба Рӯзи байналмилалии духтарон баргузор гардид, ки дар он муовини Ваколатдор оид ба ҳуқуқи инсон – Ваколатдор оид ба ҳуқуқи кӯдак дар Ҷумҳурии Тоҷикистон Муқимӣ Нигора Аминзода иштирок ва суханронӣ намуданд.
Форум таҳти шиори “Ҳуқуқ, имконият ва ояндаи беҳтар барои ҳар духтар” баргузор гардида, дар он намояндагони ҷомеаи миллӣ ва байналмилалӣ, аз ҷумла мақомотҳои давлатӣ, намояндагони дипломатӣ, бахши хусусӣ, ҷавонон ва дигар ҷонибҳои манфиатдор ширкат варзиданд.
Дар ҷараёни форум ба масъалаҳои қабули санадҳои меъёрии ҳуқуқӣ, таҳлили сиёсати давлатӣ, сармоягузорӣ ва меъёрҳои иҷтимоие, ки имкониятҳо ва иштироки духтаронро дар ҳаёти ҷомеа муайян мекунанд, таваҷҷуҳ зоҳир карда шуд.
Рӯзи байналмилалии духтарон барои ҷалби таваҷҷуҳи ҷомеа ба масъалаҳои ҳифзи ҳуқуқи духтарон, дастрасии онҳо ба таҳсил, имкониятҳои баробар ва иштироки фаъолона дар ҳаёти иҷтимоию иқтисодӣ аҳаммияти муҳим дорад. Таъмини шароити муносиб барои таҳсилу рушди ҳамаҷонибаи духтарон яке аз омилҳои муҳимми бунёди ҷомеаи пешрафта ва устувор ба ҳисоб меравад.
