12 июни соли 2026 дар доираи нақшаи чорабиниҳои мақомот барои соли 2026 дар ҳошияи «Рӯзи умумиҷаҳонии мубориза бо меҳнати кӯдакон» муовини Ваколатдор оид ба ҳуқуқи инсон - Ваколатдор оид ба ҳуқуқи кӯдак дар Ҷумҳурии Тоҷикистон Муқимӣ Н.А. якҷо бо дигар кормандони мақомот ба Литсейи касбии махсуси КТИМК НҲ ҶТ ва Мактаби махсуси ҷумҳуриявии ВМИ ҶТ дар шаҳри Душанбе, бо мақсади аз наздик шинос шудан бо бошандагони муассисаҳои мазкур боздид ба амал оварданд
.
Мақсад аз боздид шиносоӣ бо шароити нигоҳдорӣ ва будубоши кӯдакон, инчунин омӯзиши вазъи таъмини ҳуқуқу манфиатҳои онҳо дар муассисаҳои мазкур буд.
Зимни боздид Ваколатдор оид ба ҳуқуқи кӯдак дар Ҷумҳурии Тоҷикистон Муқимӣ Н.А. бо ҳолати санитариву гигиении ҳудуди муассисаҳо, синфхонаҳои таълимӣ, ҷойҳои хоби наврасон, ҳаммом, анбори маҳсулоти хӯрокворӣ, ошхона ва сифати хӯрокҳои омодашаванда шинос шуданд. Ҳамчунин, аз китобхона ва ҳуҷраи тиббии муассисаҳои мазкур дидан намуда, бо китобдор ва ҳамшираҳои тиббӣ оид ба ҳолати ба китобхонӣ машғул шудан ва вазъи саломатии кӯдакон суҳбат карда шуд.
Инчунин, дар идомаи боздид бо бошандагони муассисаҳо вохӯрӣ анҷом дода шуда, дар ҷараёни он андеша, пешниҳод ва муроҷиатҳои кӯдакон, вобаста ба беҳтар кардани шароити будубош, тақдири минбаъдаи онҳо пас аз хатми ин муассисаҳо ва дигар масъалаҳо шунида шуд.
